”پاکستانی کرنسی وقت کے ساتھ ساتھ“
از : سید مظہر مشتاق
کرنسی کسی بھی ملک کی شناخت ہوتی ہے۔حالات و واقعات اس پر اچھے برے اثرات مرتّب کرتے ہیں اور اتار چڑھاؤ رہتا ہے۔
مگر بات اس کی نہیں بلکہ کرنسی کے رنگ اور ڈیزائن اس ملک کے کلچر اور ثقافت کو بھی اجاگر کرتے ہیں ۔ان کے اہم رہنماؤں اور اہم تاریخی مقامات کو بھی اجاگر کرتے ہیں۔
پاکستان میں بھی کرنسی نوٹ وقت کے ساتھ ساتھ تبدیل ہوتے رہے ہیں،مگر ڈالر کو دیکھتا ہوں تو وہ ویسا ہی ہے ،شکل وصورت کی بات کررہا ہوں ورنہ اپنے وزن میں تو خاصا بڑھ گیا ہے
ممکن ہے ایسا نہ ہو۔ اس نے بھی شکل بدلی ہو مگر اپنی کرنسی تو ہوش میں ہی کئی رنگ بدل چکی اور کتنی نے تو ساتھ بھی چھوڑ دیا۔
سب سے بڑا مسئلہ یہ کہ پچھلے دنوں پچھتر کا نوٹ نکال دیا جو اپنے ملک میں ہی اکثر دوکانداروں نے لینے سے انکار کردیا ۔
اب میرے نزدیک غالباًیہی مسئلہ ہوگا کہ اس ہندسے کا پہاڑہ نہ آنے کے سبب اس کے حساب کتاب میں لوگوں کو پریشانی ہورہی ہوگی سو باعث شرمندگی نوٹ بھی روپوش ہوگیا۔
،خیرشہزاد بشیر نے یہ ویب سائٹ متعارف کرا کے خصوصاً نئےلکھاریوں کو ایک بڑا پلیٹ فارم مہیا کیا ہے اور اس قدر بڑی اس ویب سائٹ کو چلانا،نبھانا ،نظر رکھنا اور سنبھالنا آسان کام نہیں ۔
ابھی کچھ صحت اور کچھ مصروفیت ہے سوچا اپنی کوئی کہانی ،کالم لگانے سے قبل کچھ پاکستانی کرنسی نوٹ آپ کی نذر کردوں۔ ممکن ہے آپ احباب میں سے ساتھی اس بابت جانتے بھی ہوں مگر کچھ نے نہ بھی دیکھے ہوں۔
Old Pakistani Currency Notes / پاکستانی کے ابتدائی دور کے کرنسی نوٹ
 |
 |
 |
 |
 |
 |
 |
 |
 |
دس ،بیس کے جو نوٹ آپ دیکھ رہے ہیں وہاں تک تو ہمارے حالات ٹھیک چل رہے تھے مگر پانچ ہزار کا جو نوٹ آپ کی نظروں کے سامنے ہے بلکہ جیب میں بھی ہوگا،اس کے آنے کے بعد ہمیں خاصا نقصان اٹھانا پڑا ۔
چونکہ اس کے آنے سے مجھے اور آپ کوصرف اتنی تکلیف ہوئی کہ سودا لو تواس کا کھلّا کرانا مشکل مگر اوپر کی کمائی والوں کے لیے راستہ آسان ہوگیااور اپنی کمائی منتقل کرنا بھی آسان ہوگیا۔
ویسے بھی مشاہدے میں یہ بات ہے کہ جس ملک کی کرنسی گرنے لگے تو مہنگائی کا جن بے قابو ہو جاتا ہے جس کو قابو کرنا کسی عامل کے بس میں نہیں ہوتا تو ایسے میں بڑے کرنسی نوٹ جاری کرنا پڑتے ہیں ۔
اب اس بابت تو آپ میں سے جو اکنامکس کے طالبعلم ہیں وہی بہتر بتا سکتے ہیں ۔
 |
 |
 |
میں تو اتنا جانتا ہوں کہ پڑوسی ملک ایران میں پانچ لاکھ کا بھی کرنسی نوٹ ہے جو اگر آپ کو ملے تو خوش ہونے کی چنداں ضرورت نہیں۔
کیونکہ جب آپ اسے اپنی کرنسی سےایکسچینج کروائیں گے تو آپ کو فقط بتیس سو پچاس روپے ملیں گے۔
زیادہ ہنسنے یا حیرت زدہ ہونے کی بات نہیں۔ ہماری کرنسی بھی آج بے حال ہے اور ڈھلوان پہ کھڑی ہے ۔
بہرحال آپ اپنے کرنسی نوٹ دیکھیں اور اپنی رائے دیں۔ بھلے تنقید کریں کہ اس سے قدم بڑھانے کا جمانے کا حوصلہ ملتا ہے جلد ملتا ہوں ایک تحریر کے ساتھ اللہ حافظ۔
تحریر: سید مظہر مشتاق
اس ویب سائٹ پر سب سے زیادہ پسند کئے جانے والے ناولز - ڈاؤن لوڈ کیجئے
ہمیں امید ہے کہ آپ اس ویب سائٹ سے اپنے مطالعاتی ذوق کی تسکین حاصل کرتے ہیں۔ کیا آپ اس ویب سائٹ کے ساتھ تعاون کرنا پسند فرمائیں گے؟ We hope you will enjoy downloading and reading Kitab Dost Magazine. You can support this website to grow and provide more stuff ! | Contribute | Advertisement | Buy Books |
Buy Gift Items | Buy Household Items | Buy from Amazon |
